Изложба на Благоја Николовски

Автор: Серјожа Неделкоски     09:24 | 10 март 2010

Оваа вчера отворена продажна изложба во Галерија „Арт кичен” (ГТЦ), претставуа Исклучително ретка прилика љубителите на сликарството по повеќе од 20 години повторно да се сретнат со делата на овој извонреден уметни

Благоја Николовски и’ припаѓа на генерацијата современи македонски сликари чии творечки остварувања воспоставуваат длабока врска со живото класично сликарство.
Иако се изложени само 6 масла на платно, средбата со сликите на Николовски е вистинско естетско доживување.
„Николовски има јасен и прецизен цртеж, композиција што се граничи со перфекција, контрасти на светлото и темното, во која доминира поетска и човечка меланхолија”, пишува Владимир Георгиевски за сликарството на Николовски.
Роден е во 1944 г., во Скопје. Завршил училиште за применета уметност во Скопје, 1965 г. Студирал во Париз на школата за убави уметности. Досега реализирал повеќе самостојни и групни изложби, а неговите дела се наоѓаат во Франција, Германија, Австралија, Канада, Турција, Хрватска, Србија, Црна Гора...