Промовирани трите последни дела на Блаже Ристевски

Автор: Ивана Настеска     14:34 | 10 март 2010

Академик Блаже Ристевски денеска ги промовираше своите три последни научни книги, кои се поврзани со познатите писатели и творци Димитрија Чуповски, Никола Вапцаров и Кочо Рацин

Трите научни книги се поврзани со периоди од животите на Димитрија Чуповски кој важи за општественик, политичар, револуционер и дипломат, Кочо Рацин книжевен деец и комунистички активист и Никола Вапцаров за кој академикот Ристевски вели дека е заслужен за последната фаза на развој на Македонија.
„Вапцаров и македонскиот литературен кружок ја претставуваат последната фаза на развоен процес на Македонија, од 30тите до 42та година или поточно до ослободувањето.     Тоа е спојката меѓу другарството и македонскиот литературен кружок“, изјави Ристевски и додаде дека проучувањето на Никола Вапцаров и другарството значи вклучување на еден развоен период кој ја зафати Македонија.