Лино Червар се концентрира само на Металург

Автор: Редакција ФОРУМ     16:34 | 29 јули 2010

Трофејниот хрватски ракометен стручњак Лино Червар денеска објави дека по осум успешни години го напушта селекторското место во хрватската репрезентација

Еден од најдорбтите светски ракометни стручњаци Лино Червар ваквата одлука ја образложи со обврските коишто ги има кон македонскиот ракометен шампион Металург, чиј тренер е веќе втора година.
Хрватските медиуми наведуваат дека Червар и Ракометниот сојуз на Хрватска во изминатите месеци воделе преговори околу продолжување на договорот, но не успеале да најдат заеднички јазик.
Червар за време на изминатото Европско првенство, што на почетокот на годината се одржа во Австрија, поднесе оставка, но подоцна се предомисли.
Познатиот тренер на чело на Хрватската репрезентација дојде во 2002 година и успеа да освои шест медали на големите натпреварувања.
Металург под водство на Червар годинава ќе се обиде да оствари забележителен настап во Лигата на шампиони.