Мерлин Оти на 50 години трчаше во штафета

Автор: Редакција ФОРУМ     13:24 | 31 јули 2010

Легендарната спринтерка Мерлин Оти денеска влезе во историјата како најстара атлетичарка учесник на Европско првенство, откако со своите 50 години се појави на атлетската патека

Оти, која потекнува од Јамајка, денеска трчаше во штафетата на Словенија во квалификациската трка 4x100 метри, со што го собори досегашниот рекорд на француската Никол Бракебуш Левек, која на 47 години трчаше маратон на Европско првенство.
Учеството на Оти на денешната трка не беше многу успешно, бидејќи репрезентацијата на Словенија е елиминирана во квалификациите.
Оти во кариерата има освоено 29 медали на големите натпреварувања, од кои седум на Олимписките игри.
Првиот медал атлетичарката од Јамајка го има освоено на Олимписките игри во Москва во 1980 г., а последниот медал во Сиднеј 2000 година, кога на 40 годишна возраст го освои бронзениот медал.