Албанската полиција бара убиец во Македонија

Автор: Редакција ФОРУМ     10:02 | 08 февруари 2010

Албанец осомничен за убиство најверојатно се крие во пограничните региони во Македонија, истакнуваат албанските гласила, а сомнежи има и од албанската полиција

Албанската полиција побарала вклучување и на Македонската полиција во потрагата по 55-годишниот убиец, албанскиот државјанин,  Хаки Миска, од селото Превала, кој деновиве со секира ја уби својата 75-годишна  мајка, а ја повреди и својата ќерка.

Директорот на Полицијата во градот Елбасан, Сајмир Муча, за тиранскиот  весник Шќип изјави дека побарал од полициските власти во Македонија  да се вклучат во потрагата, бидејќи селото каде што е извршено убиството е само на 2 часа оддалеченост од границата со Македонија.

Тој изјави дека добил позитивен одговор од македонската полиција. Албанската полиција речиси цела недела без успех врши потрага по убиецот, за кој има сомнежи дека е добро наоружан .

За убиецот, постои и сомнение  дека пред десет години ја убил и неговата сопруга, која исчезнала и до сега нема ниту трага од неа.